Кече кӱшнӧ шыргыж онча, вӱдшӧ йылгылтын йога
Шошо толын кайык тӱшка чодыраште йуарла
Шошо толын кайык тӱшка чодыраште йуарла
Кок сар шӱшпык укшеш шинчын, икте весыжлан ойла
-Йывырталын мурен шӱшкен, ӱмыр мучко илена.
Йывырталын мурен шӱшкен, ӱмыр мучко илена!

Пыжаш оптен кайык ноен вара йыллан чоҥештен,
Сар ватыже шкет кодын, вучаш таҥжым йӧратен
Сар ватыже шкет кодын, вучаш таҥжым йӧратен
Но ваш укшеш вес сар шӱшпык ончен салыкеш мурен
Ямле курык нур вӱд серыш, мые тыйым наҥгаем.
Ямле курык нур вӱд серыш, мые тыйым наҥгаем!

Ава шӱпык нимом шижде тудым пыжашыш пуртен
Ямле элын сылне семжым тудо чонышке пыштен.
Ямле элын сылне семжым тудо чонышке пыштен.
Эр юл дене мурзо шӱшпык ямле элыш чоҥештен
Шинчен кодо ава кайык шортын ышкет вуй сакен.
Шинчен кодо ава кайык шортын ышкет вуй сакен!

Йылан кайше чевер шӱшпык толын чыла умылен
Авай кайык шортын йодын: - Пурто угыч шӱмышкет
Авай кайык шортын йодын: - Пурто угыч шӱмышкет
Чевер шӱшпык оҥ шаралтен, ойгыралын муралтен
-Каем ынде мый торашке курымешлан кудалтен
Каем ынде мый торашке курымешлан кудалтен!

Ямле шошо угыч толеш, вуча кайык ӱшанен,
Огеш тол вет чевер шӱшпык савырналын чоҥештен.
Огеш тол вет чевер шӱшпык савырналын чоҥештен.
Ӱдыр шамыч вуян лийза, илза таҥдам йӧратен,
Чон куанмен вучеда гын огеш кае кудалтен.
Чон куанмен вучеда гын огеш кае кудалтен!