Үш-қоңыр Алатаудың қойнауында
Әкемнің ізі қалған жайлауында
Қасқа су гүр-гүр тасып, гүл еркелеп
Арқарлар жайылатын аймағында

Қайырмасы:
Ай Үш-қоңырым туған жерім
Рахым нұры тұңған жерім
Ай Үш-қоңырым тал бесігім
Жүрегімде мәңгі есімің

Бұл жерде тарих сырдың сыбыры бар
Бабалар тұлпарының дүбірі бар
Бұл жерде Жамбыл жәкең өлең айтқан
Өнердің, ақындықтың тұғыры бар

Қайырмасы:
Ай Үш-қоңырым туған жерім
Рахым нұры тұңған жерім
Ай Үш-қоңырым тал бесігім
Жүрегімде мәңгі есімің

Шыңдары Төле бидің қалпағындай
Жазира жасыл әлем алқабындай
Жуасы, қарақаты, бүлдіргені
Әжемнің шекер қосқан талқанындай

Қайырмасы:
Ай Үш-қоңырым туған жерім
Рахым нұры тұңған жерім
Ай Үш-қоңырым тал бесігім
Жүрегімде мәңгі есімің

Көрінер сонадайдан анық маған
Шыңында қырандары қалықтаған
Қыранның самғауына құмар қылып
Туыпты ұландарын алып далам

Қайырмасы:
Ай Үш-қоңырым туған жерім
Рахым нұры тұңған жерім
Ай Үш-қоңырым тал бесігім
Жүрегімде мәңгі есімің