Гүзәл Үлмәҫҡолова көйө
Фәнүзә Зөлҡәрнәева - Нәбиуллина шиғыры

Беҙҙең күңел ҡурай моңдарына 
Баласаҡтан үрелеп үҫкән.
Сал ҡурайҙың сихри ауаздары
Йөрәктәр тибешенә күскән.

Ерҙә әле ундай моң тыумаған - 
Ҡурайҙың моңона торошло.
Ул моң рухыбыҙға ҡәүәт өҫтәй,
Ул моң – беҙҙең күңел торошо.

Данлы ҡурай изге Уралымдың
Тупрағын татып һут алған.
Тамырҙыры бәрәкәтле илдә,
Һәр күҙәнәгенә ҡот алған.

Ерҙә әле ундай моң тыумаған - 
Ҡурайҙың моңона торошло.
Ул моң рухыбыҙға ҡәүәт өҫтәй,
Ул моң – беҙҙең күңел торошо.

Ҡурайыбыҙ – данлы тарихыбыҙ,
Яңғыраһын ҡурай моңдары.
Серле ҡурай моңона сорналып,
Тыуған илем, атһын таңдарың!

Ерҙә әле ундай моң тыумаған - 
Ҡурайҙың моңона торошло.
Ул мөғжизәле төҫкә эйә,
Сикһеҙ күкте осоп иңләрлек!.