[bad word] ctmusic

- A, qızım, seni bazırgâna vereyim?
- Yoq, babaçığım, yoq!
Bazırgânnıñ basması çoqtır, ölçetir maña,
Yoq, men oña varmazım.

- A, qızım, seni davulcığa vereyim?
- Yoq, babaçığım, yoq!
O davulcı, men oyuncı, oynatır meni,
Yoq, men oña varmazım.

- A, qızım, seni çobana vereyim?
- Yoq, babaçığım, yoq!
O çobannıñ qoyunları çoqtır, sağdırır maña,
Yoq, men oña varmazım.

Beyaz kölmek, aq gerdan,
Baba, bulamadıñ derdime derman.
Men oña da varmazım, yoq,
Men oña da varmazım.

- A, qızım, seni ocaya vereyim?
- Ver, babaçığım, ver!
Ocanıñ bilgisi çoqtır,
Men oña vararım.

Beyaz kölmek, aq gerdan,
Baba, buldıñ derdime derman.
Men oña vararım, of,
Men oña vararım [bad word] ctmusic