[bad word] ctmusic

Butünley vucudım bir ine ucunda –
Ağıra, acıta tenimde yarası.
Özümni coydurttı, tebessüm bağışlap,
Deñizde gizlengen bir inci danesi.

Nazından usandım, bu aldan toñüldim.
Terenlik içinde o, indemey asıl.
Yalıdan enerim, deñizge dalarım.
Qaburçaq içinde saqlı bu tılsım.

Cevher közyaşımdan boyuncaq tizerim,
Qalbimden keçirip sevgi inesin.
Yıldızlar selinden marama toqurım,
Güzelim, red etmey, bahşışım alsın.

Yalıda bir özüm. Nafile bu beklev.
Merhamet eylemey göñlümniñ töresi.
Ziyade qıymetlidir sıcaq baqışı.
İç lâyıqmı oña insan sevgisi?! [bad word] ctmusic