Максим Дунаевский — Леонид Дербенёв
… … … … … … ВСЁ ПРОЙДЁТ … … … … … … 
Перевод на удмуртский Юлии Разиной

Шып гинэ тон мыным кырӟа туннэ,
Кызьы уй вуэ ни, – 
Та нунал, оло, куке кытын ке
Тодамы лыктоз ук;
Лыз синмо кизилимы со уйысь
Ноку но уз вуны,
Мар ортче, соиз гинэ
Тодамы медаз улы.
Мар ортче, соиз гинэ
Тодамы медаз улы.

Шумпотон но, кайгу но – ваньмыз
Со ортчоз, со ортчоз ваньмыз.
Со ортчоз, только туж-туж оскы:
Яратон – со уз ортчы, уз!

Кырӟа, кызьы тулкымлы сётскытэк,
Уяло корабльёс,
Асьмелы луыса югыт дуннеез
Вордӥллям инъёс-муос.
Кырӟа, кызьы жадёнлы сётскытэк,
Шокало артэ лулъёс,
Мар ортче, соиз гинэ
Тодамы медаз улы.
Мар ортче, соиз гинэ
Тодамы медаз улы.

Шумпотон но, кайгу но – ваньмыз
Со ортчоз, со ортчоз ваньмыз.
Со ортчоз, только туж-туж оскы:
Яратон – со уз ортчы, уз!

Шып гинэ тон мыным кырӟа туннэ,
Кызьы уй вуэ ни, – 
Та нунал, оло, куке кытын ке
Тодамы лыктоз ук;
Лыз синмо кизилимы со уйысь
Ноку но уз вуны,
Мар ортче, соиз гинэ
Тодамы уз улы,
Мар ортче, соиз гинэ
Тодамы уз улы.

Шумпотон но, кайгу но – ваньмыз
Со ортчоз, со ортчоз ваньмыз.
Со ортчоз, только туж-туж оскы:
Яратон – со уз ортчы, уз!

Со уз ортчы, уз!
Со уз ортчы, уз!