Светлана Сөләймәнова көйө һәм шиғыры

Яратаһыңмы, тип йыш һорайым, 
Гел яратам тиеп торһаң да. 
Шул һүҙеңде ишетеүе рәхәт, 
Һөйөүөңде һүҙһеҙ тойһам да. 

Ҡушымта: 

Яратам тип әйтеү доға кеүек, 
Әйткән һайын йәнде дауалай, 
Яратышып туймаҫ йәрҙәреңә 
Йәшәп туймаҫ ғүмер бир, Хоҙай. 

Яратам тиң миңә йыраҡтарҙан, 
Яҡынайһын беҙҙең күңелдәр. 
Яратышып йәшәр сағыбыҙҙа 
Һағынышып үтә ғүмерҙәр. 

Ҡушымта

Ҡайтыр көндәреңде һанағанда, 
Ғүмер үтеүҙәрен көтәм мин. 
Көткән саҡта ғүмер ҙә йәл түгел, 
Тик иҫән-һау йөрө, йәнкәйем!

Ҡушымта