Әнкәем күзләре,
 Кызартмам йөзләрең,
 Онытмам алтындай сүзләрең.
 Яшьләнә күрмәсен, 
Кайгылар белмәсен 
Әнкәемнең нурлы күзләре.
 
припев:
Күрергә тилмерәм, 
Төшләрдә тик күрәм
 Әнкәемнең нурлы күзләрен. 

"Тәүфыйклы бул, балам,
 Сабыр бул," - дип кала,
 Чыксам әгәр ерак сәфәргә.
 Җитсә дә көзләре,
 Әнкәем күзләре
 Дәрт һәм куәт бирә яшәргә.
 
припев:
Күрергә тилмерәм, 
Төшләрдә тик күрәм 
Әнкәемнең нурлы күзләрен.

 Әнкәем күзләре
 Очкынлы үзләре,
 Йөрәктә акыллы сүзләре.
 Дөньяга нур чәчә,
 Әнкәем, мең яшә,
 Кояш кебек синең күзләрең.