Учак яна.

Агыйделнең ярларына
Килдек учак ягарга;
Айлы кичтә хәтер аша,
Яшьлекләргә кайтырга.

Кушымта:

Учак яна, учак яна,
Суларда- балкышлары...
Учак түгел, йөрәк яна,
Яшьлекнең очкыннары...

Агыйделдә йөзгән чакта
Чыкмыйм аргы ягына.
Сөйгән ярым ялгыз кала
Безнең учак янында...

Кушымта шул ук.

Айлы кичтә син янымда,
Агыйделнең ярында...
Яшьлек ялкыны- җанымда,
Синдәй ярым барында...

Кушымта шул ук.