Я ведаю (исполнитель: Вайцюшкевіч Зьміцер)
Я ведаю, што лісьце ападзе, Але пакуль ня думаю пра гэта. І бесклапотным падаецца лета, І ўжо няма адбою ад надзей. Непазьбежнасьць восені жыве, Лёгка зводзіць мары да спакусы, Адыходзіць, толькі каб вярнуцца, І сваёй адвечнаю атрутай Не дае спакою галаве. Заўтрашняя восень у дзьвярах, Кожны прычакаў яе па-свойму, Усіх прымае восень у абдоймы, Што далей – нікому не вядома, Хіба, што наступная зіма. Я ведаю, што прыйдуць халады, І нават тэрмін ведаю дакладны, Свой сум да таго тэрміну адкладваю, Я так раблю ўжо многія гады.