Юрүзәнемдә тибрәнеп
Салларда йөзә алмадым.
Су буеннан зәңгәр чәчәк
Эзләдем, таба алмадым.

Бәхет алмасы биектә,
Үрелдем ала алмадым.
Пар миләштәй парлымын да,
Тик назлар таба алмадым.

Зәңгәр сирень чәчәкләре
Ник җилләрдә сибелә?
Бүгенгемә, үткәнемә,
Үзәкләрем өзелә.

Бәхет алмасы биектә,
Үрелдем ала алмадым.
Пар миләштәй парлымын да,
Тик назлар таба алмадым.

Үзем сайлаган язмышым
Юллары бүтән иде.
Сагышларны эчкә йотып,
Гомерне үтәм инде.

Бәхет алмасы биектә,
Үрелдем ала алмадым.
Пар миләштәй парлымын да,
Тик назлар таба алмадым.

Кояш баешына бара
Гомерем агышлары.
Сүнәр, сүрелерлек түгел
Яшьлегем ялгышлары.

Бәхет алмасы биектә,
Үрелдем ала алмадым.
Пар миләштәй парлымын да,
Тик назлар таба алмадым.