1. У нябыт адыходзіць ранак,
І на пошук сваіх шляхоў
Адпраўляюся. Родны ганак,
Пажадай, каб вярнуўся зноў.

Мама, не плач,
Прабач.
Не забывай,
Бывай.

2. Лёс друкуе свае скрыжалі,
Скрыжаванні людскіх дарог.
Я вярнуся, абы чакалі.
Мама, у сэрцы цябе збярог.

Мама, не плач.
Прабач.
Не забывай.
Сустракай.

3. А гадзіны ляцяць у вырай,
Ды, на жаль, не ўзыходзяць зноў.
Засталася такой жа шчырай,
Калі я да цябе прыйшоў.

Трэба было іначай,
Ды я цябе прабачу.
Нават праз шмат гадоў
Вярнуся дамоў.

Мама, не плач,
Прабач.
Вось я прыйшоў
Дамоў.