Чечек шыпкан чараш парык
Шеми-Хемим, Борбак-Арыг
Сесерликке ынаам-биле
Селгүүстей бээр чаңчылдыг мен

Чыжыргана, чодураалар
Шыргай уну эриин каастаан
Баштактанып ырлап чыдар
Дамырак суун сүзүксээр мен

Эргим черде күзелимче
Эзинимче белеткенип
Ээрин негеп, номун номчуп
Эргеленип чааскаан ор мен

Ынак оглуң дангаар эртен
Ырак черже аъттаныптар
База катап келгижемге
Байырлыг че Борбак-Арыг