Балачак дустыма.

Уйларыма минем көтмәгәндә кердең, 
Килеп кердең ерак үткәннәрдән.
Онытырга сине мөмкин түгел икән,
Китмәгәнсең икән йөрәгемнән.

Минем балачагым синең белән узды
Болыннар һәм урман-кырда уйнап.
Инде онытмамын балачагым дустын,
Аның белән йөрим хәтер буйлап.

Ялан тәпи чапкан балачакта хәтер,
Ераклашуымны сизмәгәнмен.
Күпме еллар узган, искә төшә хәзер,
Кадерләрен әллә белмәгәнмен?

Минем балачагым синең белән узды
Болыннар һәм урман-кырда уйнап.
Инде онытмамын балачагым дустын,
Аның белән йөрим хәтер буйлап.

Кайтам вакыт табып урман-болыннарга,
Безнең гомер әле үтмәгәнлә.
Балачакка кайту мөмкин булмаса да,
Шатлыклы ял булыр күңелемә.

Минем балачагым синең белән узды
Болыннар һәм урман-кырда уйнап.
Инде онытмамын балачагым дустын,
Аның белән йөрим хәтер буйлап.