1. Сені есіме алмадым, 
Мені кешіре алмадың. 
Дейсің "несіне алдадың?" 
Тек үнсіз жанарыңменен! 
Кеттің асығып жырақ, 
Жаңбыр қосылып жылап, 
Қалдым кешірім сұрап, 
Әніммен! 

Қайырмасы: 
Жүрегіңді ұстап тұрып, ұстап тұрып жыладың. 
Жанарыңның жасы болып, жасы болып құладым. 
Жүрегіңді ұстап тұрып, ұстап тұрып жыладың, 
Жүрегіңді жұбатуға арналады бұл әнім! 

2. Өмір сынағанымен, 
Сынға құламадым мен, 
Сендей жылағаныммен, 
Болғансың енді сағым. 
Қайтып оралмасаң да, 
Түс боп кел анда-санда, 
Ашық саған қашанда, 
Құшағым!