Сагындыра,
кар сулары булып гөрләп аккан,
сине тапкан бәхетле яз
сагындыра. Нигә, нигә кабат минем хәтеремэ
кар сулары кагылдылар?
Кар сулары кагылдылар?..
Әллә алар
сеңмиләрме кара җиргә?
Чишмәләргә нигә алар агылмыйлар?
Нигә, нигә кабат минем хәтеремә
кар сулары,
кар сулары,
кар сулары кагылдылар?
Инде гомер җәем аша үтеп барам.
Күз алдымда һаман моңлы чагың тора,
Сагындыра,
кар сулары булып гөрләп аккан,
сине тапкан
һәм югалткан
моңлы язым
сагындыра!