Монь вечкемась тонеть – прябезарькс,
Прок ломанень канст лавтовот лангсо.
Тонь седейсэ монень – ансяк тарькс,
Секс монгак эль кельман, дугай, вакссот.

Толось пенгевтеме сеск мади,
Апак вално курок коськи цецясь.
Авечкицянь седейс пек лади
Згилямонь кевкстемась: мейс сон педясь?

Оймак, дугай, учок аламнес,
Монь вечкеманть вейсэ куродсынек
Ды седейстэм верев санонь пес
А эрявикс эйдекс каявтсынек!