саламалейк, Пейкер баха,
чаз чи ярдин кlвалер къала.
алейксалам, чан бахадин,
чи кlвалерин кьулухъ гала.

уф, чан аман, дердин дарман, аман,
бес мус жеда вун заз мугьман?

я бахтавар кефчи суна,
къваз, сумавар чай хъван чна.
дердер-гъамар пара  ятlа,
вегь арадал - пайин чна.

уф, чан аман, дердин дарман, аман,
бес мус жеда вун заз мугьман?

кlвалерин кьулухъ бадамдин сал,
ягълухдик кваз бадамар гъваш.
зунни зи яр хъел хьанава,
серин тавдиз далдамар гъваш.

уф, чан аман, дердин дарман, аман,
бес мус жеда вун заз мугьман?