Дымгæ сыфтæрты афæрсы,
Йæ рог цæсгом цæм бахæссы:
«Хурмæ куы кæнут тыбар-тыбур, 
Цæуыл кæнут сыбар-сыбур?

Схъæр мын æй кæнут сусæгæй
Тулдзæй, нæзыйæ, сусхъæдæй,
Йæ уарзон чи у Сæлимæтæн,
Аххосджын чи у уый мæтæн?»

«Ма нæ фæрс, - загътой сыфтæртæ, -
Мах дæр куы не стæм къутæртæ,
Нæу нæ чызгайы сусæгдзинад
Рæузонд дымгæйæн зæгъинаг»

Дымгæ нынниуы, ныззары,
Йæ тых бæлæстыл æвзары, 
Сыфтæрты заххмæ æрыппары
Æмæ цæ доны ныккалы.