Сен кетдинг узакъ, тезалмай, чыдаб,
Ызынгдан барлыкъ болурма.
Хапар джазмасанг, джолдан аджашсам
Элинги кимге сорурма?

Ариу сезлеринг, ала кезлеринг
Джюрек джауму ашайла.
Узакъда, кенгде бек сюйген тенгле
Билмейме къалай джашайла.

Мен сени сюйюб, таралыб, кюйюб,
Армау болургъа джетгенме,
Мени багъалым, къайдаса джаным?
Тарыгъыу кюнле этеме.

Сен кетдинг узакъ, тезалмай, чыдаб,
Ызынгдан барлыкъ болурма.
Хапар джазмасанг, джолдан аджашсам,
Элинги кимге сорлукъма?