Сөзү: И. Таалайбековдуку   
Обону: Казак элиники

Ашык болдум бул айылдын бир кызына,
Кара каштуу, узун чачтуу сулуусуна.
Неге мынча жаш жүрөгүм тынч албады?
Мүмкүн менин келечекте жубайым ал.

Айланайын кыргызымдын кыздары, ай,
Күлкүлөрү шыңгыр добуш булагындай.
Жүрөгүмдү жаралантып багындырат,
Арасында көп кыздардын бир сулуу, ай.

Жеңесинин кулагына алтын сырга,
Эгер мени ал кыз менен тааныштырса.
Күйөө бала болоюн мен айлыңарга,
Эгер биздин алдыбызга бакыт турса.