Шәмнәрдән сора, шәмнәр алдый белми,
Кайчан көн туа, кайчан яктыра.
Таң әле ерак, шәмнәр әле сүнми,
Ялгызлык ишек шакый сак кына.

Төн буйлап мин шигырьләр эзлим төсле, 
Төн буйлап мин җырларга канат куям.
Мин яратам бугай бу сәер хисне,
Мин яңадан бик якында сине тоям.

Таңнар ачылыр, тик кайсыдыр пәрдәләр корган тиле күңел.
Таңнар табылыр, барыбер яктылык күренер,
Тик шуны бел, тик шуны бел.
Шәмнәр ялгыз түгел, шәмнәр минем күнел.

Куңел катыннан оча гына хисләр,
Кәгазь битендә шигырь бураны.
Шәмнәр саргая, бу бураннар нишләр,
Бу юлларны да ялкын урармы?

Төн буйлап мин шигырьләр эзлим төсле, 
Төн буйлап мин җырларга канат куям.
Мин яратам бугай бу сәер хисне,
Мин яңадан бик якында сине тоям.

Таңнар ачылыр, тик кайсыдыр пәрдәләр корган тиле куңел.
Таңнар табылыр, барыбер яктылык күренер,
Тик шуны бел, тик шуны бел.
Шәмнәр ялгыз түгел, шәмнәр минем күңел.