Муз. и сл. Руслана Боташева.

Кёкге термилип ёсген наратла,
Джашил чепкенли табийгъат,
Ата Джуртуму сейир хапары
Саулай дуниягъа айтылад!
Ата Джуртуму сейир хапары
Саулай дуниягъа айтылад!

Атам, анам да сенсе, Къарачай!
Кириш тутушуп тауларынг,
Юйюм, кюнюм да сенсе, Къарачай!
Эрип кетгинчи бузларынг.
Юйюм, кюнюм да сенсе, Къарачай!
Эрип кетгинчи бузларынг.

Дарман маталлы ариу хауанга,
Шоркъа суулагъа, таулагъа
Сюйген къызыма айтыр сёзлени
Санга иеме саугъагъа.
Сюйген къызыма айтыр сёзлени
Санга иеме саугъагъа.