Хар һазрм
Үгнь Шугран В., кѳгҗмнь Манҗин А.

Тууҗд, дуунд туурад орсн
Тѳрскн мини Хар һазр.
Эн һазра улсин седкл /2д
Алтн зѳѳрәс үлү үнтә /2д

Давтвр:
Хар һазрм, Хар һазрм
Хәәртә мини сәәхн нутгм.
Хар һазрм, Хар һазрм
Хәәҗ йовсн мини герлм.

Сарул ѳдрән эвәр батлад,
Сүртә дууһан иньгм дуулна
Җивртә күсл, җигтә магтал / 2д
Җирһлин һасн болҗ эргнә / 2д

Давтвр:

Аав - ээҗин дурар босхсн
Амулң җирһлтә Хар һазр.
Баатр үрдәр байн болсн / 2д
Баһчудын дурта эңкр тѳрскн./ 2д

Давтвр: