Мне ўсё даражэй 
Зорны міг вачэй. 
Звон азёрных гусляў. 
Месячкі тваіх 
Веснавых вачэй 
І маладзічкі вуснаў. 

Ласка шчырых слоў 
Дорыць мне святло 
Сэрца маладзее. 
Гэта першы гром 
Будзіць ціхі дом 
Траўка зелянее. 

Прыпеў: 
Зорачка мая, 
Светлая мая, 
Узімку і вясною, 
А ці снег мяце, 
А ці дождж ідзе, 2 разы 
Ты заўжды са мною. 

Мілая далонь, 
Поўная цяпла, 
Як святла крыніца. 
Сілы ўдалой, 
Звонкай, маладой 
Дай жа мне напіцца. 

Прыпеў. 

Прыпеў.