Бүгүн да көңүл суз эле,
Ал күткөн адам келген жок.
Жүрөгүң мынча муз беле?
Сүйүүмдү кайрып берген жок.

Кайырма:
Жанашып келген бир элес,
Жарашып кайра бир келбес.
Жамалың жайнап турганда,
Жалгыздык сага тең эмес.
Арзышып келген бир элес,
Атайын кайра бир келбес.
Албырып ажар турганда,
Ал адам сага тең эмес.

Сүйүүнүн болдуң тузагы,
"Жемишин же" - деп берген жок.
Сен курган сепил урады,
Серепсиз аны сезген жок.

Кайырма