Бөмбүрзекти ээлей чурттаан эргим чонум,
Бөгүнгү дег, амыр-тайбың чурттаар болзун!
Бурун шагдан өгбелерим сагып келген
Богда Бурган Өөредиин утпайн чорзун!

Курай-курай,курай-курай,
курай-курай,курай-курай.

Черим-чуртум ээлей чурттаан арбын чонум
Сеткил-чурээ ак-көк дээр дег арыг чорзун!
Дыңгылдайлаан, дембилдейлээн хостуг, шөлээн,
Дыштыг, хөглүг чуртталгазы мөңге чорзун, мөңге чорзун!

Тайга-таңдым аңы-меңи, бойдус байлаа
Тааланчыг өткүт үнү чаңгыланзын!
Өгбелерим өндүр бедик чүдүлгези
Өргүн чонга кезээ мөңге артып калзын!

Тарина

Өгбелерим өндүр бедик чүдүлгези
Өргүн чонга кезээ мөңге артып калзын, артып калзын!

Курай-курай,курай-курай,
курай-курай,курай-курай.