Хостуг-чоргаар тыва чонум кажанда-даа, оой.
Ховуларда каңмыыл ышкаш, хадываңар, оой.
Чаңгыс дөстүг төөгүңерни утпайн, сактып, оой.
Чаңгыс холда салаалар дег, демнежиңер, оой.

Күлтегин деп оккур сөстүг
Күштүг кыйгым салып тур мен!
Түрк чоннар түревезин,
Түмен чылда түрлүг чорзун!

Чүгүрүктүң маңы ышкаш бодалывыс, оой
Чүс-чүс чылды, чаңгыс шак дег, өттүр эртсин, оой
Келир өйже сорулганың согуннарын, оой
Кезээде-ле чазыг чокка адып чоруул, оой

Күлтегин деп оккур сөстүг
Күштүг кыйгым салып тур мен!
Түрк чоннар түревезин,
Түмен чылда түрлүг чорзун!

Шаптылавас хылыш ышкаш тура-сорук, оой
Шаптыктарны чара булгап эртип чорзун, оой
Сүт дег аккыр сеткиливис мөңге шагда, оой
Сүлде тук бооп, мурнувуска киискип чорзун! оой

Күлтегин деп оккур сөстүг
Күштүг кыйгым салып тур мен!
Түрк чоннар түревезин
Түмен чылда түрлүг чорзун!