Hüt isch Tango im Schwane
Mir Froue hend üs useputzt und fühled üs schön und y
i üse churze knappe Röck

Hüt isch Tango im Schwane
Zwänzg Froue und föif Manne möche Paartanz
d Froue bewege sech lasziv und d Manne wärde spitz

Ich [bad word] ä Pouse und sitze ad Bar und isse Nüssli us däm Schüssli
wome ja weiss dasmes nid sett wüu dert scho jede Söiniggu driglänget het
mit ungwäschne Häng nachem Brünzle

Und da chunnt dä Tüpp us mim Kurs
hocket näbmer ab lachet doof und luegt mer tüüf id ouge
und ich säge: He äh hallo, mini Ouge si da obe

Är ignoriert mi Bemerkig und Tegstet mi zue mit Gschichte us sim bewegte Läbe
är vrzeut vo sine Heudetate wonär voubracht heig dozumau ir RS

Är isch e Plagööri, ä blöde Plagööri
eine wo viu redt u glich glich nüüt seit
Är isch e Plagööri, ä blöde Plagööri
Ä Bloschti, ä Braschti, ä blöffer ä churz gseit ä tumme Siech

Hüt wär Tango im Schwane
Abr i, ich bi hüt im Schlüssu ich ha churzfrischtig gwächslet
und mache jitz en Jodukurs

Jololoduu Jololoduu joudu
Jolololou jololo lololo lololo
Jololou jololou joudu
Jololouuuuuu