С. Әхмәтҗанова сүзләре
З. Хәйретдинов көе

Йөрәгемне учларыма
Йомарлап түзәм инде.
Уйларымны күзләремнән
Укыйсың – сизәм инде.

Гафү үтенмә, кирәкми,
Син башканың бәхете.
Кайларда йөрдең адашып,
Соңлаган мәхәббәтем.

Мин кадерле күзләреңә
Карамаска тырышам.
Мине түгел, ташны эретер
Бер ягымлы карашың.

Теләсәң ташкын хисләрне
Туктатып була имеш.
Булдыралсаң, янмый кара
Йөрәгеңдә ут килеш.