Къущхьэ Жамботрэ Екъубрэ я тхьэусыхэ
Дэ дыкъущхьэт, къущхьэм и жьанэмӀ жи уей дыщалъхур.
Дэ дыкъэзылъхугъэри дыщэкӀ унагъуэти уей мэунэр.
Дыунэнщ жыдоӀэр иджы Дохъутэмыщей тӀэкӀумэ уей дыдохьэ.
Дэ дызыдыхьам иджы ди чэнджэщэгъухэри уай димыӀэ.
Дохъутэмыщхьэ диӀэт иджы, дэ ди нэ ди псэмэ уей къылъохъур
ЗэшитӀу дыхъурти, шыхъуэ-шыхэпщурэ уей дыраӀэт.
ЩӀым къэса закъуэмэ, ди анэжь тхьэмыщкӀэри уэр и бынжэпыбзкъэ.
Къалэм ущыкӀуэкӀэ, щӀакӀуэм и фӀыцӀэри пщӀыпщӀу пхузетхьэрт.
Унэм укъэкӀуэжмэ, шагъдийм и джабэри щӀэтлъэщӀыкӀырт.
Мэрем жэщыр къосыри, «Жамбот!» - жиӀэурэ уой зы къоджэр.
Абы и джэ макъымэ Нэгурэшу дахэр жи уей доушыр.
Къимыгъэушынуэрэ шхыӀэным и кӀапэр жи уей хущӀеупщӀэр.
Жамбот лӀы пхъашэти, ар лӀы мышынэт иджы, уей щолъэтыр.
Зы лӀы и фащэкӀэ Къущхьэ Жамботмэ уей зехуапэ.
Нэгурэшу дахэр жи къыщылъэтауэрэ уей мэлъаӀуэр:
Ныжэбэризэмэ уэ ущӀэмыкӀынкӀэрэ ей солъэӀур!
Ар зи джэ макъымэ фӀы игу имылъкӀэрэ, сэ си тобэщ!
МафӀэгъуэ дэпри фочым и пащӀэкӀэ уай къыщӀетхъур.
Гынжьейм и пхъашэри, шыгъу кӀанэм хуэдэурэ, тырегъащхьэ.
Жэхафэгум щехкӀэрэ Нэгурэшу дахэр жи ай поувыр:
Сэ хьэтыр сиӀэмэ, щхьэлъанщӀэм папщӀэкӀэ уей къэгъанэ!
Ар зи джэ макъымэ фӀы игу имылъкӀэрэ, сэ си тобэщ!
Ей, Нэгурэш, Нэгурэшу дахэ жи, ар сэ къызжумыӀэ:
Лъхукъуэщо къэджамэ жи, сыт напэр сиӀэурэ уей сыӀуплъэжыну?
Бзэджэнаджэ къаджэмэ, нэджэӀуджэ сищӀынщ жысӀэу, сышынэн, жи?
Уэ уи кӀэ къуащӀэкӀэ сыт хуэдиз махуэкӀэ уей супӀын, жи?
Жыгей бжэӀулъэри Ӏэгум и дакъэкӀэ уей ӀуегъэпкӀыр.
Фоч гъэпкӀар иӀыгъыурэ Къущхьэ Жамботыри уей ныщӀокӀыр.
ФӀыцӀагъищыр бзаджэурэ лъхукъуэщом и гуэщмэ уой щӀопкӀэжыр.
ХьэщӀэщыжь кӀыфӀри фоч фӀыцӀэ пащӀэкӀэ уей щӀещыкӀыр.
Абы щимыгъуэтуэрэ Къущхьэ Жамботыри уей щӀокӀыжыр.
Ахьмэтым и жьэгури фоч фӀыцӀэ пащӀэкӀэ уей щӀыщыкӀыр.
Абы щимыгъуэтмэ Къущхьэ Жамботыри уей къокӀуэжыр.
Мы вэгъуэ удзри сыхьэт фӀэкӀыхукӀэрэ уей къеубэ.
А лъэхъэнэ дыдэмэ я хьэ гъуабжэжьри уей бгъэдохьэ.
- Уей хьэ гъуабжэжьурэ хьэм яшхыжын жи, дэнэ ущыӀат уэ?
Мэзым дыкӀуамэ жи, вы щӀэттӀыкӀахэри уэ тхуэбгъэхъурт;
Унэм дыкъэкӀуэжмэ, бжьэ Ӏэщын матищэмэ уэ урахъумакӀуэт.
Ныжэбэризэмэ мыбы къэкӀуа закъуэри уэ щхьэ умыщӀарэ?
Фочым и пащӀэкӀэ хьэ пэриижьмэ уей жьэхоуэ.
Хьэ гъуабжэжьыфӀмэ зишхыхьыжыххэурэ уай йожажьэ.
Хьэ пэриижьри лъхукъуэщом я гуэщмэ уай ныщӀохьэр.
Шухьэ цей къуащӀэри и жьэм жьэдэлъурэ уай къыщӀехыр.
Шухьэ цей къуащӀэри Жамбот и гуфӀакӀэмэ уай деупщӀэ.
Къущхьэ Жамботыри лъхукъуэщом и гуэщмэ уай ныщӀохьэ.
ГупхъэтӀэкӀу пащӀэмэ шэ упщӀэтар иджы уей зэпхырегъэдзкъэ.
Фочауищым бзаджэурэ къызэдагъэпсри уай къыздоуэр.
Гъатхэ хьэпшыруэрэ Къущхьэ Жамботыри уай зопщыпщэ.
Мы фоч макъымэ Нэгурэшу дахэр жи ей дохыщӀэр.
Унэ къыщӀохьэжри, шыгъуэгу щхьэгъубжэмкӀэ уой йожэкӀыр.
- Ей Екъуб, уи къуэшыжь закъуэри ей щыӀэжкъым!
- Уэ си нысэу псэ жи, сытуэрэ Ӏейуэрэ укъызэщыхьэкӀуэт!
ЩхьэпцӀэрэ лъапцӀэурэ, фоч пцӀанэ иӀыгъыурэ уей къыщӀожыр.
Къущхьэ Екъубри Дохъутэмыщхэ дежкӀэрэ уей ножэкӀыр.
- Уей си къуэшыжь закъуэ, уай дуней, сытхэр къэхъуа, жи?
- Абы къэхъуа лажьэмэ, уай маржэ, уэ ущӀэмыупщӀэ.
Уэ уилъ пщӀэжынумэ, хьэ банэ макъымэ уай ирижэ!
Ар пхуэ