Сан нана, хьол хаза, хьол деза дуьненчохь х1умма а дуй
Хьан сий деш вала ву реза, тешаеш ца баарх дуй.
Хьешана мерза пхьор х1иттош хила хьайн хьийза до са.
Ца лела цабезам г1иттош, я хьайна ца лоьху са.

Шовданна к1ела лоьцуш канаш дахаре безам ца бов,
Ехийла хьо санна нана 1алаш ян марзонан б1ов.
Сан нана, сан деган зезаг, хьайн йовхо схьалуш хьо 1а,
Хьоьца ду суна мел дезнарг, томе ю къамелан 1аь.

Г1иллакхе, оьзда ю даима коьрта т1е йис йиларх к1ай,
Ахь Деле мел дехнарг дай и-м, цундела ю хьо юьхь-к1ай.
Сан нана, хьол хаза, хьол деза дуьненчохь х1умма а дуй
Хьан сий деш вала ву реза, тешаеш ца баарх дуй