Селям санъа, Къара денъиз, йыллар кечип корюштик.
Меним алым фена дегиль, тек башыма чал тюшти.
Я сен, денъиз, нелер корьдинъ, нечюн козюнъ яшлама?
Агълама сен, бузлар кочьти, янъы омюр башлана.

Селям санъа, Къара денъиз, айт сен манъа алынъны,
Опем сенинъ янъгъыз къалгъан, ташларынъны, ялынъны.
Тек бир шейни яхшы билем, сенсинъ меним такъатымЮ
Сеннен агълап, сеннен кулем, сенсинъ меним аятым.

Эгер ольсем, сенинъ ялынъ олсун меним мезарым.
"Селям санъа, Къара денъиз!"- келип айтар балларым.
Бугунь санъа дуа этем, узюльмнсин несилим,
Меним омрюм, меним йырым сенсинъ, Къара денъизим.