Зачапілася хмара за коміны над хлебазаводам,
На рэмбазе зьвінела, заходзілася цыркулярка,
Уздымаўся да неба драўляна-бурштынавы водар,
За касілкаю сыпала трэск электрычная зварка.

На станцыі Койданава
На станцыі Койданава

Пад дажджом разгружаючы моўчкі машыну з прычэпам,
Мужыкі пад паветку ўскладалі мяхі з ўгнаеньнем,
Учарнелае лісьце спрачалася з ботамі шэптам,
Пахла вуліца хлебам і восеньню да ачмурэньня.

На станцыі Койданава
На станцыі Койданава