[bad word] ctmusic

Kimdir seniñ halqın? Urf-adetler barmı?
Yoqsa digerlerniñ qanun seni tez yutarmı.
Saylav tek senden, düşün. Kün-künden
Vaqıt kene beklemey. Mıtlaq bugünden

"Bismillâh",- dep sen er bir işni yapsañ,
Baqsañ, neticeler kelir, qısmet olsa.
Mında qısmet ebet er daqqada
Tuvğan topraqta, tuvğan Vatanında.

Medeniyet içinde olmaq - borc boyunda.
Ana tilini bilmeseñ ayip degil mi saña?
Ne qadar çoq asret bizim millet çekti.
Qabaatsız ömürler bu dünyadan çıqtı.

Sürgünlik, yanıq – sene qırq dörtünci.
Bundan evel da cinayet halqımızğa qarşı
Apansızdan çıqa edi. Ölümler, açlıq,
Sanki demek: birden bir yürekte biñ mıh.

Bunı unutmayıq biz, amma birlik qayda?
Atalarımız temel etken yolda.
Bir yol, bir maqsad, bir til, bir fikir.
Bunı bilmesek, aceba, kim bilir?

Bağlama:
Kim? Kim bilecek, eger biz degil?!
Kim inkişaf etecek, eger biz degil?!
Ömür – bir imtian bu dünyada, tamam
Bil ne yerde elâl, ne yerde aram!

Kim dualar oqucaq, eger biz degil?!
Kim nesil quracaq, eger biz degil?!
Ömür – bir imtian bu dünyada, tamam
Bil ne yerde elâl, ne yerde aram!

Saba erte turğanda, aqşam ise yatqanda,
Künler devamında, aqılında tut, tut!
Unutma kim sen, kimler tamırında.
Yıllarnen halq azapta qayttı. Kene ümüt.

Tarihni bil. Kim, eger sen degil
Ana-baba doğğan yeriniñ [bad word] bir vekil.
Yalıboyu, dağlar, çöl – birlikte quvet.
Aram olğan şeyni alsañ - yürekte qasevet.

Pek muqayt ol! Aram yollar çoq.
Amma bizim adetke köre olar yoq edi, yoq!
Yarınki alımız ne olacaq? Aslı
Taqdirimiz bizden ğayrı, kimge bağlı?!

Ana-tilini tap yaşlıqtan ögrenmek kerek.
Ya bilmesen nasıl qırımtatarsıñ sen, demek?
Vaqıt qum kibi beş parmaq arasından.
Qırımlığını yaşağanda bilginen qorçala.

Qaviy qattı iman olmaq kerek, tek hatırla
Dünyalarınıñ başında "Lâ illâhi illâllah".
Bir yol, bir maqsad, bir din, bir fikir.
Bunı bilmesek, aceba, kim bilir?

(Bağlama)

Urf-adetler, tilimiz,
Medeniyet, bilgi, dinimiz
Bizim qollarımızda….
İnşAllah [bad word] ctmusic