Бала әйткән авыр сүз

Чит-ят кешенең сүзләрен
Тыңласам да, ишетмим.
Бик авыр сүз әйтсәләр дә,
Әллә ни исем китми.

Кушымта:
Үз баламның сүзләре бит,
РӘнжемә, йөрәгем, түз.
Туры йөрәккә кадала
Бала әйткән авыр сүз.

Иркәлектә үскән бала
Сүз әйтә уйламыйча.
Ана кадерен белми ул
Үзе әни булмыйча.

Яңгырдан сүнгән учактай
Кабат кабына алмам.
Сүзләреңне җиде түгел,
Җитмеш кат үлчә, балам.