Вай, таго нармунтне тусть ливтямо,
Вай, таго кизэсь монень ильтяма.
Вай, таго чопода сёксь вастома,
Вай, таго кежей теле учома.

 Мороютко: 

Сёксесь сы – канды монень ризнэма,
Телесь сы – канды тень сюмордама.
Кинь пельде ды косто лезкс мон вешан?
Кинь экшес апародонть мон кекшан?

 
Зярдо ризкстнэ, теке ёндолт, эртить,
Ды стака сельведть сельмесэм пертить,
Мейстэ муян эстэнь мон идема?
Кие лезды зыянонть кирдеме?

 …Састо-састо вайгелем таргаса
Ды лужаня морынем рангстаса.
Морось ризксэм тапардасы-сайсы
Ды седейстэм валдосонзо айгсы.