Die Luff es sauber un d´r Himmel blau
die Köh sin jlöcklich un die Boore schlau
die Bäum sin huh un et Jras es jrön
die Döchter vun dä Boore sin wunderschön
winnich Wöder, ävver vill Jeföhl
bei jedem Feß üvver Bänk un Stöhl

Loor nit in d´r Atlas
un drieß op dinge Kompass
denn mer sin ohne Zweifel
midden in d´r Eifel 

D´r Schnaps weed noch im Keller jebrannt
un e HirschjeWeih an jeder Wand
en ahle Knabbüß unger jedem Bett
 [bad word] Bunne mit Zaus un Speck
die Musik spillt bes zum nöchste Morje
dem Pastur verzällt mer all sing Sorje 

Loor nit in d´r Atlas
un drieß op dinge Kompass
denn mer sin ohne Zweifel
midden in d´r Eifel 

Im Sommer jit et Sonnesching,
im Winter jit et Schnie
de Familich steiht an ezter Stell,
allein bis du hier nie

Loor nit in d´r Atlas
un drieß op dinge Kompass
denn mer sin ohne Zweifel
midden in d´r Eifel