Кояшның нурлары чагыла,
Моңланып тамганда тамчылар.
Яз килгәч, елгалар ашыга.
Без- ике ярдагы юлчылар.

Хисләрне уята чәчәкләр,
Күңелең саклыймы сөюне?
Кичерәм диярме йөрәгең,
Аңлармы яратам диюне?..

Моңаер идемме язларда,
Сөйгәнем, янымда син булсаң.
Яшь тамар идеме тамчыдай,
Яз җиле искәндә син килсәң.

Йөрәгем сызланыр идеме,
Бәгърем, янымда син булсаң.
Үкенер идемме яз саен,
Нурлардан сөюгә юл салсаң.