АВЫЛЫМ-АВЫЛКАЕМ

Төшемә керә авылым,
Бик кайтасым килгән чак.
Йөгерепләр каршыларга,
Чыгар төсле балачак.

КУШЫМТА:
Авылым-авылкаемны,
Оныту мөмкин түгел.
Очар кошлардай талпына,
Талпына ярсу күңел.

Бик сагындым, сагындым ла,
Чишмә буе талларын.
Белсәң иде, чишмәләрдә,
Җанга якын моң барын.

Көнгә чыксам, күңлем белән,
Ничә урыйм урамың.
Якын миңа җәең-көзең,
Язың, карлы бураның.