Шигдәч эрәтә 
Шин сиитцн бүшмүднь 
Шилв-шииринь ораҗ 
Генүләд бәәнә. 
Шинәс төлҗәсн 
Аакин Котуш 
Шиврлг хувцндан 
Шилтән дурлад бәәнә 

Хара улан 
Аакин Котуш 
Харhа хашан hатцас 
Хатхлдад бәәнә 
Харhа хашан hатцас 
Хатхлдад бәәхнь. 
Хәәмнь, Балдр, наар! - гиhәд 
Хатхлдад бәәнә. 

Сайг саарулх 
Мөринә гидгнь 
Сана-седкл дахсн 
Сайг саарл мөрн. 
Сәән залу 
Аринчн Балдр 
Садын шууган 
Уга болад 
Генүләд бәәнә. 

Февралин сарин 
Хөрн хойртнь 
Ху салькн кевтәл 
Хурлhад бәәнәлә. 
Ху салькн кевтәл 
Хурлhад бәәхнь, 
Хурмин зәңгинь соңгсчкад 
Хурлhад бәәнә. 

Харhаhар кесн гинә 
Домбрнь гинә 
Харhа базин үүднд 
Күнгкнәд бәәнә. 
Хара улан 
Аакиня Котуш 
Харhа базин үүднәс 
Дахад hарад бәәнә. 

Гедгр гинә иштә 
Домбрнь гинә 
Герин тал дунднь 
Күнгкнәд бәәнә. 
Генән баhа 
Аакиня Котуш 
Гергн гергн болнав гиhәд 
Гейүрәд бәәнә.