Кара көзүң жагылса шамдай,
Кантип сага коёмун барбай?
Сүйгөн үчүн, дүйнөм бүтүн керемет кандай.

Кол кармашып, бактыга барбыз,
Куушкан аттай кагылган жанбыз,
Батып муңга, кантип мурда жашадык жалгыз?

Кайырма:
Эркелеп ак булуттан неге жаш тамат?
Эки жүрөк табышканда жаз башталат.
Бийик учат махабат кушка айланып,
Биз экөөбүз - кош канат.

Сагынычтан качамын кайда?
Сага карай шашамын кайра.
Сүйбөгөнгө, күйбөгөнгө,
Барбы экен айла?

Жамгыр жааса койбогум келбейт,
Жалындаган жан барбы мендей?
Кара мына, карааныңа толкудум көлдөй.

Кайырма