ГIалгIайче!

Даькъала хийла ГIалгIайче!
Лоаме-аре хоза мохк.
Даькъала хийла Наьначе.
Вай массара боча мохк.

Даькъала хийла ГIалгIайче,
Денал дола кура мохк.
Даькъала хийла Наьначе,
Тха хьамсара эзде мохк.

ГIоза иразе хилда цIaй!
Сакъердалаш, дезалхой!
Иразе гIоза хилда вай!
Маьрша болаш мехкахой!(*2)

Эсса, шолжа, гIалме йисте
Массе йола шахьар ю.
Царел еззагIа вай Ангуште
Вай цIи хетта сийлахь ю.

Мехка шахьар Магас гIала
Мехка наной Наьсаре.
МогIалбике мехка сийле
Лоаме жIовхьар ЖIайрахье

ГIоза иразе хилда цIaй!
Сакъердалаш, дезалхой!
Иразе гIоза хилда вай!
Маьрша болаш мехкахой!(*2)

Ноана-хьурмат наха гойта
Безам-тешам, мехкарий.
Сона ер беркат бIаргагойта
Дага латташ тхо ма дий.

Къоана хьаькъал даим хилда,
Хилда денал, къонахий.
КIанта эздел дIа ма доалда
Кхы хьаданза уж ма дий.

ГIоза иразе хилда цIaй!
Сакъердалаш, дезалхой!
Иразе гIоза хилда вай!
Маьрша болаш мехкахой!(*2)