1. Пар ҡанаттар ҡағыналар
Даръяһында тормоштоң.
Белмәй улар, аңлай алмай,
Яңғыҙлыҡтың һағышын, һағышын...

2. Пар ҡанаттың ҡәҙерен белеп,
Талпынығыҙ күктәрҙә.
Бергә саҡта тормош йәмле,
Яңғыҙ ҡалғас, нишләргә, нишләргә?

3. Яңғыҙлыҡтың хәле ауыр,
Парһыҙ ҡанат ҡағынһаң.
Йырлап күңел астыраһың,
Янһа йөрәк һағыштан, һағыштан...

Ҡушымта:
Пар ҡанаттар, пар ҡанаттар,
Һынмағыҙ, бөгөлмәгеҙ!
Үҙәк өҙгөс көҙгө елдә
Һыңарлап өҙөлмәгеҙ!