Шар чиктә хѳѳһичнь гинәлә,
Шаркан хүрмднь чанулдг биләлә.
Шарка Барка хойраһичн гинәлә
Шаһа чимгнь атхулдг биләлә.

Бор чиктә хѳѳһичнь гинәлә,
Баркан хүрмднь чанулдг биләлә.
Булһн Кермн хойрарчн гинәлә
Буру зѳвинь йилһдг биләлә.

Эрәлҗ шаглсн күлтнь гинәлә
Эрднин Манҗднь зокаста биләлә.
Эрәтә балтанчнь әмтәхнднь дурлхшв,
Эрднин Манҗин сәәхнднь дурлнав.

Балта эрәтә күлтнь гинәлә,
Бадмнь Манҗднь зокаста биләлә.
Балта - шикринчнь әмтәхнднь дурлхшв,
Бадмин Манҗин әмтәхнднь дурлхшв.