Тәй-тәй басып бөпешім, жүргенін қандай,
Көз қуаныш көкешім, күлгенін балдай.
Аспандағы ай күнді, аламын дейсін,
Асқар таудай айбынды, боламын дейсін.

Әлди-Әлди Ақ бөпем, 
Сендей сәби жоқ көкем,
Анам Әкем дейсін бе, тілін тәтті екен.
Әлди-Әлди Ақ еркем, 
Бой жетерсін сен ертең,
Мақтанышы елімнің, өзің бол еркем!

Баурап тәтті қылығың, ән салды жаным,
Менің мөлдір тұнығым кәусар бұлағым.
Жайнап өскен жан гүлім, сенсің-ау жаным,
Қадамыңа ақ нұры, жаусын Алланың!