Аяулы, арманымдай асылым ең,
Өзіңмен тілдесуге асығып ем.
Ең алғаш көргенімде, ерке сәулем,
Көзіме оттай да ыстық басылып ең.

Аяулы, асылым ең,
Көргенше асығып ем.
Махаббат самал ескен,
Сол бір түн қалар ма естен.
Жайнай түсші,
Жайнай түсші, күн сайын, ерке сәулем,
Жаз гүліндей құлпырып далада өскен.

От шашып жанарыңнан жымиясың,
Жаныма сарқылмастай сыр құясың.
Мәңгілік бақыт болып қоншы, сәулем,
Кеудеме құйылып әнмен жыр ұясын.

Аяулы, асылым ең,
Көргенше асығып ем.
Махаббат самал ескен,
Сол бір түн қалар ма естен.
Жайнай түсші,
Жайнай түсші, күн сайын, ерке сәулем,
Жаз гүліндей құлпырып далада өскен.