Адамдар сұқса да пышақты желкеме
Ол аздай салып қалады бетімнен өмір де
Кейде шаршап аттансам деймін арғы өмірге
Маған үміт артқан анамды бірақ қалдырам кіммен

Он екі мүшем сау, шүкір дейін осы күніме
Кешір Құдай Тағала кейде жасайтын күпірлігіме
Орындамай парыздарыңды, тілек тілеймін
Жіберген сынақ, нығметтеріңе шүкір деймін

Дұрысынан түсін, жыланған не мақтанғаным емес
Шөп сату не ішімдікке салыну ол мен үшін емес
Қанша қиналсам да оңай жолын ізденбеймін
Намазхан болмасам да шешімнің адал жолын көздеймін

Оқуым, сүйгенім, қолдағы су секілді ағып кеткендей
Ештен кеш дегендей, енді есім кіргендей
Құдай уақыт беріп тұрғанда басынан тырысып көрейін
Қандай нәтиже шықса да шүкір деймін

қайырма: Берілетін ой келсе де, берілетін мен емес
Сынақтардан төзіп өтіп, күтемін сынақты келесі
Саясаткер болмасам да, саясат жайлы айтам
Жемқор болсаң, президент болсаң да бетпердеңді ашам

Теңге үшін бірін бірі сатады жүйенің құлдары
Капитализмді елімізде Нұреке орнатты
Қазақ жері атасынан қалғандай мұраға
Соңғы деміне дейін бар байлықты сатады

Пайда көздеген аламын дегенін менен алып біткен
Қанша дос сымақтар тастады тапқасын іздегенін
Ал жүректері жәлеп қыздар кетті өзгелермен
Ойланып қарасам мәңгі мендік болуға олар ант еткен

Берілетін ой келсе де, берілетін мен емес
Санаулы тыңдармандарым бар соларға кеңес
Уақыт өзі тез өтеді, не болса соған уайымдама
Ізгі амалдар жасап алсаң, еселеніп қайтады бақилықта

Тіпті әкім тартып алып тұрса да, өзіңдікін жіберме
Ақиқат жалғыз, шындық бола береді әркімде
Мен сол ақиқатты айтушы, ы соны жатта
Бер пердеңді ашып тастаймын, президент болсаң да