Ахтыспыт харахтар ардыгар
Көрсүһээт алтыһан ылаллар,
Уот тыллар түгэҥҥэ кинилэр
Элбэҕи даҕаны этэллэр.
Харахтар сүрэххэ кэпсииллэр,
Сүрэхтэр үөрүүттэн ыллыыллар,
Бу кэрэ,бу нарын ырыаны
Ким сэргээн ыллаһан эрэрий.

хос ырыата:
Эн диэки көрөммүн мин үөрдүм,
Эн курдук кими да көрбөтүм,
Эйигин эрэ мин көрдөөтүм
Көмүһүм,ону мин өйдөөтүм.

Хатыҥҥа суугунуур лабаалыын
Сиккиэр тыал сипсиһэн сэрэһэр,
Чөмчүктүү сиик буолбут таммахтыын 
Нуоҕайбыт сибэкки ыллаһар.
Икки эрэ сурэҕи ситимниир
Туох баарый бу сиргэ алыптаах,
Хаар өрүскэ күлүгэ дьиримниир, 
Баҕардар ый буолуо ол антах.