Куэрлаште, вӱд воктене,
Кайык муро йӱк шоктен ,
Куэрлаште ик кастене 
Ӱдыр качым ужатен.

Пален огыл рвезежат дыр
Шижын огыл ӱдыржат.
Молан тиде вашлиймашышт 
Ӱмырешланак улмаш.

Пеш умбалне, пеш тораште 
Канде теҥыз лӱшкымаште 
Каче тушто чот кредалын 
Пыштыш вуйжым илыш верч.

Теҥыз вӱд озылыналын 
Тудын капшым наҥгаен.
Каче ялжым шарналталын 
Ӱдыр лӱмым пелештен.

Шуко жап тыге эрталын, 
Нимогай увер уке.
Ӱдыр шинчын кертдеак 
Шортын - шортын йылт кошкен.
 
Куэрлаште, вӱд воктене
Кайык муро йӱк шокта.
Куэрлаште шып кастене
Ӱдыр качым шарналта.